Valideyin iclasları ,onların əhəmiyyəti

SİNİF RƏHBƏRİNİN SORĞU KİTABINDAN......

Valideyin iclasları ,onların əhəmiyyəti

Valideyin iclasları məktəblə valideyin arasında əməkdaşlığın  əsasıdır.Vaxtaşırı və ya dövrü olaraq keçirilir.Burada təlim-tərbiyə prosesinin vəziyyəti,onun inkişaf etdirilməsi yolları,məktəblə valideyinlər arasında əməkdaşlığın perespektiv (yaxın müddətə ) və strateji (uzun müddətli) istiqamətləri müəyyənləşdirilir eyni zamanda da keçmiş dövr üçün uğurlar,görülmüş işlər, nöqsanlar müzakirə olunur.,təhlillər aparılır......

Bu gün valideyin iclasları ilə bağlı  real vəziyyət  təhsil işçilərini və valideyinləri ciddi düşündürməlidir.

Təcrübəmdən deyə bilərəm ki,valideyin iclaslarının nüfüzdan düşməsi, sosial ziddiyətlərlə yanaşı kişi valideyinlərin (ata,baba dayı,əmi ) məktəbdən üz döndərməsi ,məktəblərdə gender probleminin (qadın müəllimlərinin-xüsusiylə şəhər və qəsəbə məktəblərində) qabarıq şəkildə mövcüd olması və ailələrdə təlim-tərbiyə işinin  yalnız anaların-qadınların üzərinə qoyulması ümumilikdə təhsilimizə dəyən ciddi zərbələrdən biridir.Bu zərbənin ağırlığını məktəb idarəediciləri daha yaxşı hiss etsələrdə zərbə son anda təhsilimizə ,övladlarımıza dəyir.

Valideyin iclaslarının nüfüzdan düşməsinin başqa bir ciddi səbəbi məktəb rəhbərliyi və sinif rəhbərlərinin  valideyin iclaslarının əsl mahiyyət və  məramını bir tərəfə qoyaraq özlərinin şəxsi maraqlarını işə salmaq üçün vasitəyə çevirməsidir. Belə ki, bir çox məktəblərimizi bürüyən neqativ hallar sinif valideyin iclaslarından “alovlanır”.

Valideyin iclasları haqqında bildiriş alan valideyinlərin əksəriyyətinin ağlına gələn ilk sual”yenə nə ?nə qədər? Nəyə görə ? istəyəcəklər” kimi suallar yaranır ki bu da təhsilimiz və belə hallara yol verən təhsil işçilərimiz üçün utancverici haldır.Bir çox hallarda sinif valideyin komitəsinin sədri( halbu ki onun vəzifəsi valideyinlərin hüquqlarını qurumaqdır) sinifdə  neqativ halların başında durur.Nə yaxşı ki, son bir neçə ildə Təhsil Nazirliyi belə neqativ hallara qarşı barışmaz mübarizə aparır bu kimi hallarla üzləşən valideyinlər isə haqlı olaraq 146 xidmətinə müraciət edirlər.

Sinif valideyin komitələri məktəbin kollegional orqanlardan biridirsə -onun fəaliyyətinin əsasını təşkil edən sinif valideyin iclasları da məktəb-valideyin əməkdaşlığının təməlidir,əsas şərtidir.

Sinif valideyin iclasları aşağıdakı hallarda toplanır ;

Təşkilati məsələlərlə bağlı,

Cari məsələlər və ya konkret hər hansı bir mövzu ilə bağlı,

Yekun–hesabat xarakterli ( tədris ilinin yarımillik və ya illik dövrünə yekun vurularkən)

Sinif valideyin iclasları həm valideyinlər ,həm də həmin sinifdə tədrislə məşğul olan digər pedaqoqlar üçün həm də yaranmış hər hansı bir problemin  (ayrı-ayrı şagirdlərin təlim-tərbiyəsi ilə və ya ayrı-ayrı müəllimlərlə) müzakirəsi,araşdırılması üçün əvəzsiz toplantıdır. Eni zamanda məktəb rəhbərliyi,psixoloq ,məktəb həkimi üçün də analız və təhlilərin valideyinlərlə müzakirəsi üçün əlverişli məqamdır.