Sinif valideyin iclaslarına hazırlıq

SİNİF RƏHBƏRİNİN SORĞU KİTABIndan....

Sinif valideyin iclaslarına hazırlıq

1.Sinif valideyin iclaslarına hazırlıq valideyinlər üçün çağırış və ya dəvətnamənin hazırlanması ilə başlayır.Bu dəvətnamədə valideyinin (ailə başçısının )adı soyadı qeyd eidlir, iclasın keçiriləcəyi tarix ,saatı və keçiriləcəyi otağın nömrəsi tam aydın şəkildı qeyd olunur.Eyni zamanda iclasın keçirilməsi səbəbi yəni müzakirə olunacaq mövzu yazılmalıdır.Valideyin hansı mövzu və ya mövzuların müzakirə olunacağını dəqiq bilməlidir. İclasın vaxtı məktəb rəhbərliyi ilə (direktor və ya müavinlərlə) razılaşdırılmalıdır.Yaxşı olar ki dövrü (hər 3-4 aydan bir ) və vaxtaşırı ( hər ay ) keçirilən iclasların yarımillik və ya illik cədvəli təşkilat işləri üzrə direktor müavini ilə razılaşdırılsın və eyni zamanda şagirdin gündəliyinin arxa səhifələrinin birində yazılsın ,eyni zamanda sinif otağında divardanda asılsın.

2. Sinifdə ayrı-ayrı fənləri tədris edən müəllimlərə iclasın vaxtı  bildirilsin. Sinifdə işləyən bütün müəllimlərin sinif valideyin iclaslarında iştirakı vacibdir.Hər bir valideynin hüququdur ki ,öz övladı haqqında lazımı irad və təklifləri birbaşa ona o, fənni tədris edən müəllimin özündən eşitsin. İstisna hallarda ,əgər fənn müəlliminin iş qrafiki iclasın vaxtı ilə uzlaşmırsa ,müəllimin vacib işi olduğuna görə, dərs saatı ilə üst-üstə düşərsə ,o zaman sinif rəhbəri həmin müəllim və ya müəllimlər  ilə iclasdan öncə görüşüb söhbət aparmalı,  hər bir şagird haqqında  qeydlər götürməlidir ki,iclas zamanı valideyinlərin suallarına cavab verə bilsin.

3.  Sinif rəhbəri təyin olunan iclas vaxtını mütləq məktəb psixoluqu ,kitabxanaçı və məktəb həkiminə bildirməli,onların sinif iclasında iştirak etməsini təmin etməlidir.

Sinif iclasları eyni zamanda valideyinlərə psixoloji və tibbi məsləhətlərin verilməsi,eyni zamnda bu sahədə onlarda yaranmış suallara cavab verilməsi üçün əlverişli toplantıdır.

4.Dəvətnamələrin valideyinlərə çatıb-çatmamasını dəqiqlədirmək lazımdır. (Bir çox hallarda şagirdlər bu dəvətnamələri evdə vermirlər ). Bu kimi hların qarşısını almaq məqsədi ilə İKT yeniliklərində ,sosial şəbəkədən istufadə də effektiv ola bilər. Rəhbərlik etdiyim məktəbdə bir çox sinif rəhbərləri votsap qrupu yaradaraq valideyinlərlə daha operativ əlaqə qurmuşlar. Eyni zamanda valideyinlərin daha çox istifadə etdikləri sosial şəbəkələrüzərində də yalnız sinif valideyinlərini əhatə edən qruplar yaratmaq olar. Bu zaman məktəb rəhbərliyindən bir nəfər ,məktəb həkimini,psixooqu,kitabxanaçını da həmin qruplara üzv etmək məqsədə müvafiq olardı.....