HƏMKARA DƏSTƏK KİTABININ YENİ TƏKMİLLƏŞDİRİLMİŞ VARİANTI HAZIRLANIB

       HƏMKARA DƏSTƏK  KİTABININ YENİ      TƏKMİLLƏŞDİRİLMİŞ VARİANTI HAZIRLANIB

 Bakı şəhəri Fuad Fərhadoğlu  adına 230 №-li tam orta məktəbin direktoru Elşən Qafarovun və direktor müavini Ləman Babayevin tərtib etdikləri “HƏMKARA DƏSTƏK” metodik vəsaiti son 1 ildə ölkə müəllimləri tərəfindən rəğbətlə qarşılanmış , kurikulum təlimi üzrə müəllimlərin Diaqnostik Qiymətləndirilməsində müəllimlərin ən çox müraciət etdikləri mənbə olmaqla yanaşı, müəllimlərin stolüstü kitabına çevrilmişdir.”HƏMKARA DƏSTƏK” vəsaitinin əsas özəlliyi ilk dəfə olaraq  ,nəzəriyyə,termin və test çalışmalarının bir kitabda toplanmasıdır.

Ölkə müəllimlərinin 60%-nin Diaqnostik Qiymətləndirmədə iştirakının gözlənildiyi bir vaxtda kitabın yeni təkmilləşdirilmiş variantı işıq üzü görmüşdür. Tərtibatçıların verdiyi məlumata görə kitabda olan bütün test çalışmaları bir daha analiz edilmiş ,əvvəlki nəşrlərdə gedən qüsürlar aradan qaldırılmış ,test  suallarının sayı 999-a çatdırılmaqla yanaşı,eyni zamanda kitabın satış qiyməti 7 manat 50 qəpiyə endirilmişdir.Yeni nəşrin hazırlanmasında məqsəd kitaba olan tələbatı nəzəra alaraq,daha da təkmilləşdirmək və vəsaitin əvvəlki cilddə yayılmış pirat variantının satışına mane olmaqdır.Bu işdə tərtibçilər ,alıcıları  kitab evlərindən əvvəlki ( göy rəngdə ) formada cildlənmiş nəşrini yox  yeni nəşri tələb etməyi tövsiyə edirlər.

“HƏMKARA DƏSTƏK “ seriasının ardı olaraq , Limunət   Əmrahlının müəllifi olduğu, “HƏMKARA DƏSTƏK-2”  - “Koqnitiv bacarıqlar: müasir dərsin son akkordları”, metodik vəsaiti də nəşr edilmişdir.Elşən Qafarovun verdiyi məlumata görə, qısa müddət ərzində “HƏMKARA DƏSTƏK” seriası ilə daha 6 kitab nəşr edilərək ölkə müəllimlərinin istifadəsinə veriləcək.Pedaqoji ədəbiyyat sahəsində olan boşluğu aradan qaldırmaqla yanaşı , müəllimə lazım olan və  sosial sifarişə əsaslanan  vəsaitlərin  bundan sonra da hazırlanaraq istifadəyə veriləcəyini bildirən Elşən Qafarov yaradıcı müəllimləri əməkdaşlığa dəvət etdiyini, metodik vəsaitlərin praktik olaraq bu sahədə işləyən pedaqoqlar tərəfindən hazırlanmasının daha önəmli olmasını vuruladı.

Biz də öz növbəmizdə “HƏMKARA DƏSTƏK “ kitabının tərtibatçılarına və oxucularına uğurlar arzulayırıq.