Qiymətləndirmə vasitələrinin hazırlanması prinsipləri

Qiymətləndirmə vasitələrinin hazırlanması prinsipləri

1.   Qiymətləndirməni əvvəlcədən planlaşdırılması. Dərs hazırlayan zaman qiymətləndiriləcək fəaliyyəti planlaşdırmaq üçün məqsədləri müəyyən edin. Hansı qiymətləndirmələrdən və hansı vaxt ərzində isti­fadə edəcəyinizi planlaşdırın. Qiymətləndirmə bir sıra təlim nəticələrini əhatə etməlidir.

2.   Qimətləndirmənin tez-tez aparılması.Təlim fəaliyyətində şagirdin səviyyəsini düzgün müəyyənləşdirmək üçün prosesdə kifayət qədər qiymətləndirmələr aparın.Tez-tez aparılan qiymətləndirmələr müəllimə imkan verir ki,proses davam etdikcə sinifdə olan inkişafı müəyyən etsin və bunun vasitəsilə də təlim metodologiyası ilə bağlı zəruri qərarları qəbul etsin.

3.   Fərqli qiymətləndirmə vasitələrindən istifadə olunması. Şagird­lərin hamısı öz qabiliyyətini konkret bir şəkildə göstərə bilmir.Bəzi şagirdlər yazı işlərini yaxşı yerinə yetirir,digər  şagirdlər konkret layihə üzərində işləyərkən özünü göstərə bilir.Odur ki, qiymətləndirmə vasitələrini hazırlanmasında  yaradıcı cəhət ön planda dayanmalıdır.

4.   Qiymətləndirmə  nəticələrinin  qeydə  alınması.  Qiymətləndirmə  nəticə­sində  şagirdlərin  təlim  fəaliyyəti  haqqında  vaxtında  və  düz­gün qeydiyyat aparın. Qiymətləndirmənin tarixi, vaxtı, təsviri,  şagidlər  barədə məlumat və ayrı – ayrı şagirdlərin göstəriciləri ilə bağlı əlavə qeydləri dəqiq yazın. Düşüncələrinizi və qənaətlərinizi qiymətlən­dirmədən sonra deyil, qiymətləndirmə zamanı yazın. Bu subyektivliyi  azaldır. 

5.   Nailiyyətlərin  qiymətləndirilməsi  zamanı  nailiyyət  faktorları  (dav­ra­nış, münasibət, çalışqanlıq, motivasiya)  arasında  fərqin  müəyyən  olunması.

6.   Hər bir  qiymətləndirmənin  nisbi  çəkisinin  aydın  şəkildə  müəyyən  olunması.

7.   Fəaliyyət  meyarlarını  əhatə  edən  rubriklərin  hazırlanması.